November 9, 2025 · 1 min read
پاکستان نے ٹی ٹوئنٹی کے بعد ون ڈے سیریز میں بھی جنوبی افریقا کو شکست دے دی
پاکستان نے ٹی ٹوئنٹی کے بعد ون ڈے سیریز میں بھی جنوبی افریقا کو شکست دے دی۔ شاہینوں نے تیسرے ون ڈے میں مہمان ٹیم کو سات وکٹوں سے شکست دی۔
شاہین الیون نے ایک سو چوالیس رن کا ہدف چھبیسویں اوور میں حاصل کرلیا۔ جنوبی افریقا کی ٹیم پہلے کھیلتے ہوئے صرف ایک سو تینتالیس رن پر آل آؤٹ ہوگئی۔
ابرار احمد نے جنوبی افریقا کے چار بلے بازوں کو پویلین بھیجا۔ شاہین شاہ آفریدی، محمد نواز اور سلمان علی آغا نے دو دو آوٹ کیے۔
جنوبی افریقا کے اوپنرز کے علاوہ کوئی بھی بلے باز پاکستانی بالنگ کے سامنے نہ ٹک سکا۔
کوئنٹن ڈی کوک نے ترپن اور پری ٹوریئس نے انتالیس رن کی اننگز کھیلی۔ ہدف کے تعاقب میں صائم ایوب نے ستتر رن کی شاندار اننگز کھیلی۔
Post Views: 244
