January 17, 2026 · 1 min read
دس روپے کے نوٹ کی قسمت کا فیصلہ وزیرخزانہ کی سربراہی میں قائم کمیٹی کرے گی
دس روپے کے نوٹ کی قسمت کا فیصلہ وزیرخزانہ کی سربراہی میں قائم کمیٹی کرے گی۔۔ مستقبل میں دس روپے کا نوٹ بند کرنے اور سکہ جاری کرنے پر غور ہوگا۔
کیا 10 روپے کا نوٹ بند ہونے والا ہے؟؟ دس روپے کا نوٹ کیا مارکیٹ میں مستقبل میں نظر آئے گا؟؟
پاکستان کا سب سے چھوٹا نوٹ دس روپے کا نوٹ ہے ، اس کی ویلیو ہے یا نہیں ؟ یہ تو آپ جانتے ہیں لیکن اب وفاقی کابینہ نے دس روپے کا نوٹ ختم کرنے یا نہ کرنے کے معاملے پر وزیرِ خزانہ کی سربراہی میں ایک اعلیٰ سطح کی کمیٹی قائم کر دی ہے۔ جس کا بنیادی مقصد اس نوٹ کی تیاری پر آنے والی لاگت کا جائزہ لینا ہے۔
کمیٹی اس بات پر اپنی سفارشات مرتب کرے گی کہ آیا کاغذ کے نوٹ کے مقابلے میں دس روپے کا سکہ رائج کرنا زیادہ فائدہ مند ثابت ہوگا یا نہیں، اور اسی رپورٹ کی روشنی میں وفاقی کابینہ حتمی فیصلہ کرے گی۔
اگر یہ تجویز منظور کر لی جاتی ہے تو ملکی معیشت میں ایک بڑی تبدیلی آئے گی کیونکہ اس وقت دس روپے کا نوٹ پاکستان کا سب سے چھوٹا بینک نوٹ ہے۔ جس کے خاتمے کے بعد بیس روپے کا نوٹ ملک کا سب سے چھوٹا نوٹ بن جائے گا۔۔ جبکہ اس سے کم مالیت کے لیے عوام کو صرف سکوں پر انحصار کرنا پڑے گا۔
اس سے پہلے حکومت ایک روپیہ، دو روپے اور پانچ روپے کا نوٹ بھی ختم کرچکی ہے۔۔ اب دس روپے کے علاوہ پچاس روپے، سو روپے پانچ سو روپے ، ایک ہزار روپے اور پانچ ہزار کا نوٹ کرنسی مارکیٹ کا حصہ ہے۔
Post Views: 234
