پاکستان کرکٹ بورڈ نے دورہ ویسٹ انڈیز کا شیڈول جاری کردیا۔ قومی کرکٹ ٹیم اکیس جولائی سے چوبیس اگست تک ویسٹ انڈیز کا دورہ کرے گی. جہاں دونوں ٹیمیں 2 ٹیسٹ اور 5 ٹی ٹوئنٹی انٹرنیشنل میچز میں مدمقابل آئیں گی۔ قومی کرکٹ ٹیم انگلینڈ کے خلاف ون ڈے اور ٹی ٹوئنٹی سیریز کھیلنے کے بعد اکیس جولائی کو ویسٹ انڈیز پہنچے گی۔

پاکستان کرکٹ ٹیم جولائی میں ویسٹ انڈیز کا دورہ کرے گی۔ دونوں کرکٹ بورڈز کی باہمی مشاورت کے بعد شیڈول منظور کیا گیا. قومی کرکٹ ٹیم انگلینڈ کے خلاف ون ڈے اور ٹی ٹونٹی سیریز کھیلنے کے بعد 21 جولائی کو ویسٹ انڈیز پہنچے گی۔

چیف ایگزیکٹو پی سی بی وسیم خان کا کہنا ہے کہ ورلڈکپ کی آمد کے پیش سیریز میں دو ٹی ٹونٹی انٹرنیشنل میچز شامل کرنے پر اتفاق کیا ہے۔
شیڈول کے مطابق ٹی ٹونٹی انٹرنیشنل سیریز کے میچز بارباڈوس اور گیانا میں کھیلے جائیں گے۔

ابتدائی 2 ٹی ٹونٹی انٹرنیشنل میچز 27 اور 28 جولائی کو بارباڈوس میں ہوں گے۔ باقی تینوں ٹی ٹونٹی انٹرنیشنل میچز 31جولائی، یکم اگست اور 3 اگست کو گیانا میں کھیلے جائیں گے۔

ٹی ٹونٹی سیریز کے بعد قومی اسکواڈ 6 سے 7 اگست تک گیانا میں دو روزہ پریکٹس میچ کھیلےگا۔ جس کے بعداسکواڈ جمیکا روانہ ہوجائے گا۔ جہاں دونوں ٹیموں کے مابین 2 ٹیسٹ میچزپر مشتمل سیریز کھیلی جائے گی۔

سبینا پارک میں شیڈول سیریز کا پہلاٹیسٹ میچ 12 سے 16 اگست جبکہ دوسرا 20 سے 24 اگست تک کھیلا جائےگا۔ پاکستان نے آخری مرتبہ2017 میں ویسٹ انڈیز کا دورہ کیا تھا۔