سابق وزیراعظم عمران خان نے پارٹی رہنماؤں کو عام انتخابات کی تیاریوں کی ہدایت کردی۔ چیئرمین تحریک انصاف کی زیرصدارت پی ٹی آئی کی سیاسی کمیٹی کا اجلاس ہوا۔
اجلاس میں وفاقی حکومت کیخلاف جارحانہ حکمت عملی کو تیز کرنے کا فیصلہ کیا گیا۔ عمران خان نے پارٹی رہنماوں سے مختلف امور پر تجاویز بھی لیں۔
اس موقع پر چیئرمین پی ٹی آئی عمران خان نے کہا کہ پنجاب کے عوام کے مینڈیٹ کو لیکر وفاق کی طرف بڑھیں گے۔ چوروں کے ٹولے نے ملک کو تباہ کر دیا۔ عوام جاگ چکے ہیں، کسی کے بہکاوے میں نہیں آئیں گے۔
سابق وزیراعظم نے کہا کہ قوم جان چکی ہے کہ کون جھوٹا ہے اور کون سچا؟ سپریم کورٹ نے آئین و قانون کی مطابق سچ کا ساتھ دیا۔