پی ایس ایل 11: پشاور زلمی دوسری بار چیمپئن، حیدرآباد کنگزمین کو فائنل میں شکست
قذافی اسٹیڈیم، لاہور: پشاور زلمی نے پاکستان سپر لیگ (پی ایس ایل) سیزن 11 کے فائنل میں حیدرآباد کنگزمین کو 5 وکٹوں سے ہرا کر دوسری بار ٹائٹل اپنے نام کر لیا۔
زلمی کی فتح اور ٹائٹل کا دفاع
پشاور زلمی کا مجموعی طور پر یہ پانچواں فائنل تھا، جہاں انہوں نے اپنی برتری ثابت کی۔ اس سے قبل 5 مارچ 2017 کو بھی زلمی نے ڈیرن سیمی کی قیادت میں اسی میدان پر ٹرافی اٹھائی تھی۔ حیدرآباد کنگزمین، جو پہلی بار پی ایس ایل کا حصہ بنی تھی، فائنل تک رسائی حاصل کر کے ایونٹ کو یادگار تو بنا سکی مگر ٹرافی پر قبضہ جمانے میں ناکام رہی۔
پی ایس ایل فائنل کا معرکہ: پشاور زلمی اور حیدرآباد کنگز مین ٹرافی کیلئے آمنے سامنے
میچ کی صورتحال: ہارڈی اور عبدالصمد کی ذمہ دارانہ بیٹنگ
130 رنز کے ہدف کے تعاقب میں پشاور زلمی کا آغاز مایوس کن رہا۔ کپتان بابر اعظم صفر پر آؤٹ ہوئے، جبکہ محمد حارث 6، کوشال مینڈس 9 اور بریسویل محض 4 رنز بنا سکے۔ تاہم، ایرون ہارڈی (56 رنز ناٹ آؤٹ) اور عبدالصمد (48 رنز) نے 85 رنز کی شراکت قائم کر کے میچ کا نقشہ بدل دیا۔
حیدرآباد کنگزمین کی باؤلنگ
حیدرآباد کی جانب سے محمد علی نے شاندار باؤلنگ کرتے ہوئے 3 کھلاڑیوں کو آؤٹ کیا، جبکہ حنین شاہ اور عاکف جاوید نے ایک ایک وکٹ حاصل کی۔
ایونٹ کا اختتام شاندار آتش بازی کے ساتھ ہوا، جہاں فاتح ٹیم نے پی ایس ایل 11 کی ٹرافی اٹھا کر جشن منایا۔
