بھارتی شہر احمد آباد میں مسافر طیارے کو حادثہ دونوں انجنوں کو ایندھن سپلائی بند ہونے کے باعث پیش آیا

بھارتی شہر احمد آباد میں مسافر طیارے کو حادثہ دونوں انجنوں کو ایندھن سپلائی بند ہونے کے باعث پیش آیا۔ حادثے کی ابتدائی رپورٹ سامنے آگئی۔ بھارتی طیارہ حادثے میں دو سو ساٹھ افراد ہلاک ہوئے تھے۔

آپریشن سوئفٹ ریٹارٹ کو چھ سال مکمل، پاک فضائیہ نے دشمن کے 2 طیارے مار گرائے

احمدآباد طیارہ حادثے کی ابتدائی تحقیقاتی رپورٹ میں طیارے کے فیول سوئچ کٹ آف ہونے کا انکشاف ہوا ہے۔ پندرہ صفحات پر مشتمل رپورٹ کے مطابق اڑان بھرنے کے فوراً بعد طیارے کے دونوں انجنز کے فیول سوئچ ایک ایک کر کے بند ہو گئے۔ فیول سوئچ بند ہوتے ہی انجن کو ایندھن کی فراہمی بند ہوئی اور جہاز کی اونچائی میں کمی ہونے لگی۔

سائنسدانوں کی حیرت انگیز دریافت،کائنات میں پانی کا ایک بہت بڑا ذخیرہ

کاک پٹ کی ریکارڈنگ میں ایک پائلٹ دوسرے سے پوچھتا ہے کہ فیول سوئچ کیوں کٹ آف کیا؟جواب میں دوسرے پائلٹ نے کہا کہ اس نے ایسا نہیں کیا۔

امریکا اسرائیل کی حمایت میں‌ آگیا، ایران کی 3 جوہری تنصیبات پر حملہ کردیا

فیول کنٹرول سوئچز انجن بند کرنے کے لیے استعمال ہوتے ہیں۔اور ان کو بند کرنے کا طریقہ دو مراحل پر مشتمل ہے۔یہ سوئچز ایسے بنائے گئے ہیں کہ انہیں حادثاتی طور پر نہیں ہلایا جا سکتا۔ سوئچ کو پہلے اٹھانا پڑتا ہے، پھر نیچے کی طرف منتقل کرنا ہوتا ہے۔ہر انجن کے لیے علیحدہ سوئچ ہوتا ہے۔

نواب شاہ؛ ہزارہ ایکسپریس ٹرین کو حادثہ، 35 افراد جاں بحق اور 50 سے زائد زخمی

پائلٹس کی گفتگو کے چند سیکںڈز میں دونوں سوئچ دوبارہ رن پوزیشن پر منتقل کیے گئے۔ایک انجن شروع ہوا اور دوسرا مکمل اسٹارٹ نہ ہو سکا۔

فیول سوئچ کٹ آف ہونے کے نو سیکنڈ بعد پائلٹ نے ایئر ٹریفک کنٹرول کو مے ڈے کال دی۔

سائنسدانوں نے الزائمر سے متاثر ہونے کی رفتارکم کرنے کے لیے دوا تیار کر لی

رپورٹ کے مطابق طیارے نے اڑان بھرنے کے لئے 180 ناٹ کی مطلوبہ رفتار حاصل کر لی تھی لیکن اگلے 23 سیکنڈ میں ہی طیارہ گر کر تباہ ہو گیا۔