سائنسدانوں نے الزائمر سے متاثر ہونے کی رفتارکم کرنے کے لیے دوا تیار کر لی ہے۔
محققین نے دعویٰ کرتے ہوئے کہا ہے کہ انہوں نے دماغی مرض الزائمر سے متاثر افراد کے لیے دوا تیار کی ہے جس کی مدد سے مریضوں کی یادداشت کم ہونے کی رفتار کو سست کیا جا سکے گا۔
محققین نےاس دوا کو ’لیکنمیب‘ کا نام دیاہے۔ جو کہ ایک اینٹی باڈی تھیراپی کی طرح کام کرتی ہے۔ کلینیکل ٹرائل کے اعداد و شمار کے مطابق 18 ماہ کے دوران مریضوں کی دماغی صلاحیت متاثر ہونے میں 27 فی صد کمی آئی۔
یہ بھی پڑھیں:برطانیہ میںشدید برف باری اور سردی کے باعث نظام زندگی مفلوج، پروازیںمعطل
ریسرچ میں بتایا گیا ہے کہ اس دوا سے دماغ کے اندر پیدا ہونے والے پروٹین کے اس جھنڈ کو ختم کیا جاتا ہے جن کو ’بیٹا ایملوئڈ‘ کہا جاتا ہے۔ الزائمر کے مریضوں میں یہ جھنڈ دماغ کے سیلز بہت تیزی سے تباہ کرتے ہیں۔
عالمی میڈیا کے مطابق برطانوی ریسرچر کا کہنا ہے کہ یہ پہلی دوا ہے جو حقیقت میں الزائمر کے مریضوں کے علاج کے لیے استعمال ہو سکتی ہے۔
لاہور میںاسموگ، محکمہ تعلیم نے اداروں میں ہفتہ وار 3 چھٹیوںکا نوٹی فیکیشن جاری کردیا
انہوں نے بتایا ہے کہ کلینیکل ٹرائل کے دوران دوا کے مخصوص فوائد ہی سامنے آ سکے ہیں۔ لیکن امید کی جا سکتی ہے کہ وقت کے ساتھ اس کے فوائد میں اضافہ ہوگا۔
یہ بھی پڑھیں:ہائیڈروجن سے چلنے والے جیٹ انجن کی کامیاب تجربہ
واضح رہے کہ دنیا بھر میں اس وقت ڈیمینشیا سے لگ بھگ پانچ کروڑ 50 لاکھ سے زائد افراد متاثر ہیں-