افغانستان میں 6.0 شدت کا خوفناک زلزلہ، مختلف حادثات میں 20 افراد جاں بحق

افغانستان میں 6.0 شدت کا خوفناک زلزلہ آیا جس کے باعث مختلف حادثات میں 20 افراد جاں بحق جبکہ 100 سے زائد زخمی ہوگئے۔

زلزلے کے باعث درجنوں مکانات کو شدید نقصان پہنچا، صوبے ننگرہار اور کنڑ میں درجنوں مکانات ملبے کا ڈھیر بن گئے۔

ترکیہ اور شام میں ہولناک زلزلہ، 400 سے زائد افراد جاں بحق، عمارتیں تباہ

امریکی جیولوجیکل سروے کے مطابق زلزلے کا مرکز صوبے ننگرہار کے شہر جلال آباد کے قریب تھا اور اس کی گہرائی 8 کلو میٹر ریکارڈ کی گئی۔

رپورٹس کے مطابق زلزلہ مقامی وقت کے مطابق رات 11 بجکر 47 منٹ پر آیا اور تقریبا 20 منٹ بعد ہی اسی صوبے میں 4.5 شدت کا ایک اور جھٹکا محسوس کیا گیا جس کی گہرائی 10 کلو میٹر تھی۔

وفاقی دارالحکومت اسلام آباد اور راولپنڈی میں زلزلے کے جھٹکے

زلزلےکے باعث مختلف حادثات میں 20 افراد جاں بحق اور 100 سے زائد زخمی ہوئے ہیں جبکہ طالبان حکام نے جاں بحق افراد کی تعداد میں اضافے کا خدشہ ظاہر کردیا۔

آسٹریلیا نے ایک بار پھر افغانستان کے ساتھ سیریز کھیلنے سے انکارکردیا

افغان حکومت نے امدادی تنظیموں سے فوری طور پر ریسکیو آپریشن میں مدد کی اپیل کی ہے، افغان حکام نے برطانوی نشریاتی ادارے بی بی سی سے گفتگو کرتے ہوئے کہا کہ زلزلے کے آفٹر شاکس او ر لینڈسلائیڈنگ کے باعث زلزلے سے متاثرہ علاقوں کو جانے والی سڑکیں تباہ ہوگئی ہیں اور سیلاب سے متاثرہ پہاڑی علاقوں میں صرف فضائی ریسکیو آپریشن ہی ممکن ہے۔

برطانیہ میں طوفان ، معمولات زندگی متاثر ، پروازیں اور ٹرینیں گھنٹوں تاخیر کا شکار

ترجمان افغان طالبان ذبیح اللہ مجاہد نے سوشل میڈیا پر جاری پیغام میں کہا کہ آج رات آنے والے زلزلے کے باعث جانی و مالی نقصان ہوا، مقامی حکام اور علاقہ مکین متاثرہ افراد کے ساتھ امدادی سرگرمیوں میں مصروف ہیں۔

انسان کی رگوں میں مائیکرو پلاسٹک کی موجودگی کا انکشاف

انہوں نے بتایا کہ مرکز اور قریبی صوبوں سے امدادی ٹیمیں روانہ کردی گئی ہیں جو متاثرہ علاقوں میں ریسکیو و بحالی کے کاموں میں حصہ لیں گی۔