کرکٹ کی تاریخ کا انوکھا واقعہ: اینجلو میتھیوز ’ٹائم آؤٹ‘ ہوگئے

کرکٹ کی تاریخ کا انوکھا واقعہ: اینجلو میتھیوز ’ٹائم آؤٹ‘ ہوگئے

بین الاقوامی کرکٹ کی 146 سالہ تاریخ میں پہلا اور اپنی نوعیت کا ایک انوکھا واقعہ پیش آیا ہے۔ سری لنکن آل راؤنڈر اور سابق کپتان اینجلو میتھیوز کو وقت پر وکٹ پر نہ پہنچنے کے باعث ’ٹائم آؤٹ‘ کر دیا گیا۔ اینجلو میتھیوز پیر کو نئی دہلی کے ارون جیٹلی اسٹیڈیم میں بنگلہ دیش کے خلاف ورلڈ کپ 2023 کے میچ کے دوران بین الاقوامی کرکٹ میں ٹائم آؤٹ ہونے والے پہلے کھلاڑی بن گئے۔

ویسٹ انڈیز کی خواتین کرکٹ ٹیم کا دورہ پاکستان، شیڈول کا اعلان کردیا گیا

قانون کے مطابق وکٹ گرنے کے بعد نئے بیٹسمین کو تین منٹ کے اندر وکٹ پر پہنچنا ہوتا ہے لیکن اینجلو میتھیوز ایسا کرنے میں ناکام رہے جس کی وجہ سے انہیں ٹائمڈ آؤٹ قرار دیا گیا۔ تفصیلات کے مطابق بیٹنگ کے لیے باہر نکلتے ہی میتھیوز کے ہیلمٹ کا سٹریپ ٹوٹ گیا۔ جب وہ متبادل کا انتظار کر رہے تھے تو شکیب نے اپیل کر دی اور میتھیوز کو آؤٹ قرار دے دیا گیا۔ جب ایک بار شکیب الحسن نے فیصلے کو برقرار رکھنے کا فیصلہ کیا تو امپائر کچھ نہیں کر سکتے تھے۔

پاکستا ن سے سیریز سے پہلے نیوزی لینڈ کرکٹ ٹیم کے فِن ایلن اور ایڈم مِلنے سیریز سے باہر

شکیب الحسن کے سدیرا سمارا وکرما کو آؤٹ کرنے کے بعد میتھیوز بیٹنگ کے لیے آئے تھے۔ سدیرا سمارا وکرما نے 42 گیندوں پر 41 رنز بنائے تھے۔ اس سے قبل ایسا صرف فرسٹ کلاس کرکٹ میں چھ مرتبہ ہو چکا ہے اور بین الاقوامی کرکٹ میں پہلی بار ہوا ہے۔