پاکستان نے تنظیم کی صدارت سنبھال لی؛ وزیراعظم شہباز شریف کا خطے میں روابط اور مشترکہ خوشحالی پر زور

بشکیک / اسلام آباد — شنگھائی تعاون تنظیم (ایس سی او) کی کونسل آف ہیڈز آف اسٹیٹ کے 26 ویں سربراہی اجلاس میں تاریخی شہر لاہور کو باضابطہ طور پر سال 27-2026 کے لیے تنظیم کا ‘ثقافتی و سیاحتی دارالحکومت’ نامزد کر دیا گیا ہے۔ کرغزستان کے دارالحکومت بشکیک میں منعقدہ سمٹ کے دوران، جس میں وزیراعظم محمد شہباز شریف نے پاکستان کی نمائندگی کی، پاکستان نے ایس سی او کی صدارت  بھی باضابطہ طور پر سنبھال لی ہے۔

امریکی عدالت کا بڑا فیصلہ: پاکستان سمیت 75 ممالک کے لیے امیگرنٹ ویزا معطلی کا اقدام کالعدم قرار

علاقائی سفارت کاری اور ثقافتی پیش رفت

سرکاری سفارتی ذرائع کے مطابق ایس سی او رکن ممالک کی جانب سے یہ اعزاز اس رکن ملک کے تاریخی شہر کو تفویض کیا جاتا ہے جو تنظیم کی سالانہ صدارت سنبھالتا ہے۔ لاہور سے قبل بھارت کا شہر وارانسی، قازقستان کا الماتی، چین کا چنگ ڈاؤ اور کرغزستان کا چولپون عطا یہ اعزاز حاصل کر چکے ہیں۔ اجلاس سے خطاب کرتے ہوئے وزیراعظم شہباز شریف نے کہا کہ پاکستان کی صدارت کا مرکزی موضوع خطے میں روابط کا فروغ، جدت اور مشترکہ خوشحالی ہے۔

پاکستان کی خارجہ پالیسی: تخفیفِ اسلحہ سے متعلق اقوام متحدہ کی کانفرنس کی صدارت سنبھال لی

سال بھر جاری رہنے والے بین الاقوامی ایونٹس

وزارت اطلاعات و خارجہ امور کے حکام کے مطابق اس اقدام کے تحت لاہور میں چار فلیگ شپ بین الاقوامی ثقافتی کانفرنسیں منعقد ہوں گی، جبکہ ایس سی او خطے کے مندوبین، سیاحتی وفود اور فنکاروں کے باقاعدہ تبادلے کیے جائیں گے۔ حکومتِ پاکستان کا مؤقف ہے کہ اس سفارتی کامیابی سے نہ صرف ملکی تشخص اجاگر ہوگا بلکہ ملک میں سیاحت اور سرمایہ کاری کے نئے مواقع بھی پیدا ہوں گے۔

پاکستان کے لیے کریڈٹ ریٹنگ میں بہتری کا روڈ میپ