ملتان: پی ٹی آئی رہنما حماد اظہر کی گرفتاری کا دعویٰ، پولیس کی تردید

پی ٹی آئی کا الزام، سابق وفاقی وزیر کو 9 مئی کے مقدمات میں انتقامی کارروائی کا نشانہ بنایا جا رہا ہے

ملتان/لاہور: پاکستان تحریک انصاف (پی ٹی آئی) نے دعویٰ کیا ہے کہ ان کے سینئر رہنما اور سابق وفاقی وزیر حماد اظہر کو ملتان سے گرفتار کر لیا گیا ہے۔ پارٹی ذرائع کا کہنا ہے کہ حماد اظہر کو 9 مئی کے پرتشدد مظاہروں سے متعلق مقدمات میں حراست میں لے کر لاہور پولیس کے حوالے کر دیا گیا ہے۔

سانحہ 9 مئی میں ملوث پچیس مجرموں کو فیلڈ جنرل کورٹ مارشل نے سزائیں سنا دیں

تاہم اس دعوے کے فوراً بعد لاہور اور ملتان دونوں شہروں کی پولیس نے سابق رکن قومی اسمبلی کی گرفتاری کی باضابطہ تردید کر دی ہے۔ پولیس حکام کا موقف ہے کہ حماد اظہر ان کی تحویل میں نہیں ہیں اور گرفتاری کی خبروں میں کوئی صداقت نہیں ہے۔

عمران خان کی ہسپتال منتقلی کا معاملہ: پی ٹی آئی کی سپریم کورٹ میں توہینِ عدالت کی درخواست دائر

دوسری جانب، پی ٹی آئی کی قیادت اپنے موقف پر قائم ہے۔ پارٹی ترجمان کا کہنا ہے کہ حماد اظہر کو مسلسل سیاسی بنیادوں پر انتقامی کارروائیوں کا نشانہ بنایا جا رہا ہے۔ پارٹی نے خبردار کیا ہے کہ اگر ان کے رہنما کو غیر قانونی طور پر حراست میں رکھا گیا تو وہ اس معاملے کو عدالت میں چیلنج کریں گے۔ صورتحال تاحال غیر واضح ہے اور مزید حقائق سامنے آنے کا انتظار ہے۔

آرمی چیف کو خط اس لیے بھیجے جو بھی جمہوری راستے تھے وہ سب ختم کر دیے گئے: عمران خان