پی ایس ایل 12: شیڈولنگ تنازع پر ٹورنامنٹ جنوری 2027 میں کروانے پر غور

براڈکاسٹرز جنوری کے حامی، فرنچائز مالکان اپریل میں لیگ کروانے کے خواہاں

لاہور: پاکستان کرکٹ بورڈ (پی سی بی) اور فرنچائز مالکان کے درمیان پاکستان سپر لیگ (پی ایس ایل) کے 12ویں ایڈیشن کی ونڈو کے حوالے سے اہم مشاورت جاری ہے۔ ذرائع کے مطابق، مصروفیات اور بین الاقوامی شیڈولنگ کے مسائل کے باعث آئندہ ٹورنامنٹ کو جنوری 2027 میں منتقل کرنے پر سنجیدگی سے غور کیا جا رہا ہے۔

پی ایس ایل 11: پشاور زلمی دوسری بار چیمپئن، حیدرآباد کنگزمین کو فائنل میں شکست

رپورٹ میں کہا گیا ہے کہ براڈکاسٹرز ٹورنامنٹ کو جنوری کے مہینے میں کروانے کے حق میں ہیں تاکہ زیادہ سے زیادہ ویورشپ حاصل کی جا سکے، تاہم بعض فرنچائز مالکان اس تجویز سے متفق نہیں اور ان کی خواہش ہے کہ لیگ اپریل کے مہینے میں منعقد کی جائے۔

بابر اعظم وارم اپ میچ کے دوران ہاتھ پر گیند لگنے سے زخمی

مجوزہ پلان کے تحت، اگر ٹورنامنٹ جنوری میں ہوتا ہے تو پی ایس ایل 12 کا افتتاحی مرحلہ کراچی میں کھیلا جا سکتا ہے، جس کے بعد میچز پنجاب اور پشاور کے وینیوز پر منتقل کر دیے جائیں گے۔ پی سی بی حکام تمام اسٹیک ہولڈرز کو ایک پیج پر لانے کی کوشش کر رہے ہیں تاکہ لیگ کے کامیاب انعقاد اور غیر ملکی کھلاڑیوں کی دستیابی کو یقینی بنایا جا سکے۔

پی ایس ایل تنازع: علی ترین اور پی سی بی کے درمیان کشیدگی برقرار، مگر آگے بڑھنے کا عندیہ