March 9, 2025 · 1 min read
موسیٰ ہراج سخت مقابلے کے بعد آکسفورڈ یونین کے صدر منتخب
موسیٰ ہراج سخت مقابلے کے بعد آکسفورڈ یونین کے صدر منتخب ہوئے۔ پاکستانی طالبعلم موسیٰ ہراج نے کہا ہے کہ آکسفورڈ یونین کا صدر بننا میرے لیے اعزاز ہے۔
پاکستان کے لیے ایک اور بڑا اعزاز۔۔۔ پاکستانی طالب علم موسیٰ ہراج آکسفورڈ یونین کے صدر منتخب ہوگئے۔ موسیٰ ہراج سابق وفاقی وزیر محمد رضا حیات ہراج کے صاحبزادے ہیں۔
موسیٰ ہراج اس عہدے پر آکسفورڈ یونین کے صدر منتخب ہونے والے چوتھے پاکستانی ہیں۔ اس عہدے پر سابق وزیراعظم بےنظیر بھٹو، سابق صدور احمد نواز اور اسرار خان بھی فائز رہ چکے ہیں۔موسیٰ ہراج پنجاب سے تعلق رکھنے والے پہلے پاکستانی نژاد صدر ہیں۔
اپنی انڈرگریجویٹ تعلیم لندن اسکول آف اکنامکس اور ہارورڈ یونیورسٹی سے مکمل کرنے کے بعد، موسیٰ نے 2023 میں آکسفورڈ یونیورسٹی میں ایم فل اکنامکس کے لیے شمولیت اختیار کی۔
موسیٰ ہراج کا کہنا ہے کہ آکسفورڈ یونین کا صدر منتخب ہونا زندگی کا سب سے بڑا اعزاز ہے۔ یہ میرے لیے ایک اعزاز کی بات ہے کہ ممبران نے مجھ پر اعتماد کیا۔ امید کرتا ہوں کہ یہ کامیابی پاکستان ہی نہیں بلکہ پورے جنوبی ایشیا کے طلبہ کے لیے ایک امید بنے گی۔
Post Views: 302
