پاکستانی ڈراموں کے لکھاری خلیل الرحمان قمر نے ماہرہ خان کی جانب سے اپنی شادی میں مدعو نہ کرنے پر شکوہ کر ڈالا۔

خلیل الرحمان قمر نے ایک پوڈ کاسٹ میں شرکت کی جس میں انہوں نے مختلف موضوعات پر بے باک انداز میں اپنے خیالات کا اظہار کیا۔

اس موقع پر ماہرہ خان کی شادی کے حوالے سے ذکر کرتے ہوئے انہوں نے شکوہ کیا کہ ماہرہ نے مجھے شادی پر مدعو نہیں کیا، لیکن اگر وہ مجھے مدعو کرتیں بھی تو میں کبھی نہ جاتا-

شاہ رخ خان کو ‘جوان’ اور ‘پٹھان’ کی کامیابی کے بعد قتل کی دھمکیاں ملنے لگیں

انہوں‌نے کہا کہ ماضی میں ماہرہ نے میرے خلاف ٹویٹ کر کے غلطی کی، اگر انہیں میری رائے سے اختلاف تھا تو ٹویٹ کے بجائے مجھ سے رابطہ کرتیں میں دلائل دے سکتا تھا۔

سپر اسٹار ماہرہ خان کا نارویجین ڈانس گروپ کے ساتھ رقص کا مظاہرہ

خیال رہے کہ ماضی میں خلیل الرحمٰن قمر نے عورت مارچ کے حوالے سے ہونے والے ایک ٹی وی پروگرام میں ماروی سرمد کے خلاف سخت زبان استعمال کی تھی، جس پر شوبز شخصیات نے ان پر خوب تنقید کی تھی جس میں ماہرہ خان بھی شامل تھیں۔

پوڈکاسٹ کے دوران میزبان کی جانب سے سوال کیا گیا کہ آپ بھی کبھی روئے ہیں؟ جس پر خلیل الرحمان قمر نے بتایا کہ میں زندگی میں ایک مرتبہ خوب رویا اور اس کی وجہ یہ تھی کہ میری اڑھائی سالہ بیٹی نے غلطی سے پٹرول پی لیا جس کی وجہ سے وہ انتقال کر گئی تھی۔