اسلام آباد میں بلدیاتی انتخابات 15 فروری کو ہوں گے۔ الیکشن کمیشن نے الیکشن کا شیڈول جاری کردیا۔
الیکشن کمیشن نے80 نکات پر مشتمل انتخابی ضابطہ اخلاق جاری کر دیا
الیکشن کمیشن آف پاکستان کا کہنا ہے کہ وفاقی دارالحکومت اسلام آباد میں بلدیاتی انتخابات 15 فروری 2026ء کو ہوں گے، اسلام آباد لوکل گورنمنٹ انتخابات کیلئے کاغذات نامزدگی 27 دسمبر تک جمع کرائے جاسکتے ہیں، امیداروں کے کاغذات نامزدگی کی جانچ پڑتال 3 جنوری تک ہوگی۔
الیکشن کمیشن نے اسلام آباد میں 31 دسمبر کو ہونے والے بلدیاتی انتخابات ملتوی کر دیے
ای سی پی کے مطابق امیداروں کی کاغذات نامزدگی پر اپیلوں کے فیصلے 13 جنوری تک ہوں گے، امیداروں کی حتمی فہرست 14 جنوری جبکہ نشانات 15 جنوری کو الاٹ ہوں گے-
اسلام آباد لوکل گورنمنٹ انتخابات کیلئے پولنگ 15 فروری بروز اتوار ہوگی، بلدیاتی انتخابات کے نتائج 19 فروری تک مرتب کیے جائیں گے۔