AHMAD FARHAD POET

اسلام آباد ہائیکورٹ کا لاپتہ شاعر احمد فرہاد کو کل ہر صورت بازیاب کروا کے پیش کرنے کا حکم

اسلام آباد ہائیکورٹ کے جج جسٹس محسن اختر کیانی نے لاپتہ شاعر احمد فرہاد کو کل ہر صورت بازیاب کروا کے پیش کرنے کا حکم دے دیا

احمد فرہاد کے اغواء کی ایف آئی آر کی کاپی عدالت کے سامنے پیش کی گئی۔ جسٹس محسن اختر کیانی نے ریمارکس میں کہا کہ آپکے نئے آئی جی صاحب کو کہا تھا بندہ اغوا ہوگا تو آپ ذمہ دار ہوں گے۔

جسٹس محسن اختر کیانی نے ایس ایچ او کو ہدایت کی کہ کل ڈویژن بنچ کے بعد تک بندہ ڈھونڈ کر لائیں۔ اگر آپ کو لگے نامعلوم افراد نے اٹھایا ہے تو ضمنی لکھ کر دیں۔

جسٹس محسن اختر نے ایس ایس پی سے مکالمے میں کہا کہ آپ کو پھر ایس ایچ او کے پیچھے کھڑا ہونا پڑے گا۔ پھر اگر آپ کو کوئی ٹرانسفر کرے گا تو میں اسے دیکھ لوں گا۔

جسٹس محسن اختر کیانی نے دوران سماعت کہا کہ جو لوگ نظر نہیں آتے قانون ان کے لیے نہیں ہے۔ کل میں دیکھوں گا سیکرٹری دفاع کو بلانا ہے یا ایجنسیوں کو بلانا ہے۔

اس خبر پر اپنی رائے کا اظہار کریں

اپنا تبصرہ بھیجیں