حج کا رکنِ اعظم وقوفِ عرفہ آج ادا کیا جا رہا ہے، عازمینِ حج کی میدانِ عرفات آمد جاری

حج کا رکنِ اعظم وقوفِ عرفہ آج ادا کیا جا رہا ہے، عازمینِ حج کی میدانِ عرفات آمد جاری

مسجدِ نمرہ سے خطبہِ حج کی سماعت اور مزدلفہ روانگی کے تفصیلی مناسک

مکہ مکرمہ: مناسکِ حج کے سلسلے میں آج حج کا رکنِ اعظم ‘وقوفِ عرفہ’ ادا کیا جا رہا ہے۔ دنیا بھر سے آئے لاکھوں عازمینِ حج کا منیٰ سے میدانِ عرفات پہنچنے کا سلسلہ جاری ہے۔

نو ذوالحجہ (یومِ عرفہ) کے اس مبارک موقع پر تمام عازمینِ حج میدانِ عرفات میں جمع ہو کر حج کا خطبہ سماعت کریں گے۔ غروبِ آفتاب کے بعد حاجیوں کا قافلہ مزدلفہ کی جانب پیش قدمی کرے گا، جہاں رات کھلے آسمان تلے قیام کیا جائے گا۔

 عید الاضحیٰ اور مناسکِ حج کا اگلا مرحلہ

دس ذوالحجہ (عید الاضحیٰ) کے آغاز پر حاجی نمازِ فجر سے طلوعِ آفتاب تک مزدلفہ میں ہی قیام کریں گے۔ سورج نکلنے کے بعد تمام حجاج کرام دوبارہ منیٰ کی طرف روانہ ہوں گے۔

رمی جمرات، قربانی اور طوافِ زیارت

منیٰ پہنچنے کے بعد مناسکِ حج کی ترتیب درج ذیل ہوگی:

• رمی جمرات: پہلے مرحلے میں شیطان کو کنکریاں ماری جائیں گی۔

• قربانی و حلق: رمی سے فراغت کے بعد قربانی کی جائے گی، جس کے بعد عازمین بال کٹوا کر (حلق یا قصر کروا کے) احرام کھول دیں گے۔

• طوافِ زیارت و سعی: احرام کی پابندیوں سے آزاد ہونے کے بعد حاجی طوافِ زیارت کے لیے مکہ مکرمہ روانہ ہوں گے اور صفا و مروہ کے درمیان سعی کا اہم ترین رکن ادا کریں گے