ڈی جی آئی ایس آئی لیفٹیننٹ جنرل فیض حمید ایک روزہ دورے پر کابُل پہنچے- صحافیوںکے ساتھ غیررسمی گفتگو بھی کی- ایک صحافی کے سوال پر ڈی جی آئی ایس آئی مسکرائے- صحافی نے سوال کیا کہ آپ کو کیا لگتا ہے اب افغانستان میں کیا ہوگا؟ جس پر پاکستانی سفیر نے جواب دیا کہ ہم افغانستان میں امن واستحکام کے لیے کام کرہےہیں۔ ڈی جی آئی ایس آئی بھی بولے کہ فکر نہ کریں سب اچھا ہوگا۔
ڈائریکٹر جنرل (ڈی جی) لیفٹیننٹ جنرل فیض حمید ہفتے کے روز افغانستان کے دارالحکومت کابل پہنچے تھے- ڈی جی آئی ایس آئی کے ساتھ ایک اعلی سطح کا وفد بھی کابل گیا۔ جنرل فیض حمید کی کابل ایئرپورٹ پر تصویر بھی سامنے آئی جس میں انہوں نے ہاتھ میں چائے کا کپ پکڑا ہوا ہے۔ ذرائع کے مطابق پاکستانی وفد نے طالبان کی افغان شوریٰ کی دعوت پر کابل کا دورہ کیا۔
یہ بھی پڑھیں: عالمی برادری افغان عوام کی خوشحالی کے لیے مزید کردار ادا کرے، وزیراعظم عمران خان
لیفٹیننٹ جنرل فیض حمید نے طالبان نمائندوں سے ملاقات کی جس میں پاک افغان سرحدی سکیورٹی صورت حال پر بات چیت ہوئی۔ ملاقات میں پاکستان اور افغانستان کے درمیان اقتصادی اور تجارتی تعلقات، سیکیورٹی سمیت اہم دوطرفہ امور پر بھی گفتگو کی گئی۔ اس بات کو یقینی بنانے کی کوشش کی گئی کہ فساد پیدا کرنے والے اور دہشت گرد تنظیمیں صورتحال کا فائدہ نہ اٹھائیں۔
مزید پڑھیں:افغان روبوٹکس ٹیم کی لڑکیاں عالمی مقابلے میںشرکت کے لیے میکسیکو پہنچ گئیں
ڈی جی آئی ایس آئی سے پاکستانی سفیر نے بھی ملاقات کی جس میں افغانستان سے انخلاء اور راہداری کے معاملات پر بات چیت ہوئی۔ غیر ملکی اور بین الاقوامی تنظیموں کے عملے کی پاکستان کے رستے وطن واپسی پر بھی غور کیا گیا۔