عید الفطر 2026: پاکستان ریلوے کا 4 عید اسپیشل ٹرینیں چلانے کا اعلان
لاہور، کراچی، کوئٹہ اور پشاور کے لیے ٹرینوں کا شیڈول جاری
لاہور – وفاقی وزیر ریلوے کی خصوصی ہدایت پر پاکستان ریلوے نے عید الفطر کے موقع پر مسافروں کی سہولت کے لیے 4 عید اسپیشل ٹرینیں چلانے کا حتمی فیصلہ کر لیا ہے۔ ترجمان ریلوے کے مطابق ان ٹرینوں کا مقصد عید کی تعطیلات کے دوران مسافروں کے غیر معمولی رش کو کم کرنا اور ہم وطنوں کو اپنوں کے ساتھ عید منانے میں مدد فراہم کرنا ہے۔
ٹرینوں کا مکمل شیڈول:
-
پہلی عید اسپیشل ٹرین: 16 مارچ کو لاہور سے کراچی کے لیے روانہ ہوگی۔
-
دوسری عید اسپیشل ٹرین: 17 مارچ کو کوئٹہ سے راولپنڈی کے لیے روانہ ہوگی۔
-
تیسری عید اسپیشل ٹرین: 17 مارچ کو کراچی سے پشاور کے لیے روانہ ہوگی۔
-
چوتھی عید اسپیشل ٹرین: 18 مارچ کو کراچی سے لاہور کے لیے روانہ ہوگی۔
ریلوے ترجمان کا کہنا ہے کہ مسافروں کی بڑی تعداد کے پیش نظر ان ٹرینوں میں بکنگ کا عمل شروع کر دیا گیا ہے۔ مسافر ریلوے کی موبائل ایپ یا قریبی ریزرویشن سینٹر سے اپنی نشستیں بک کروا سکتے ہیں۔