پاکستان نے بنگلادیش کو پہلے ٹی ٹوئنٹی میں شکست دے دی

پاکستان نے بنگلادیش کو پہلے ٹی ٹوئنٹی میں شکست دے دی۔ مہمان ٹیم دو سو دو رن کے ہدف کے تعاقب میں ایک سو چونسٹھ رن بنا سکی۔

پاکستان نے بنگلادیش کیخلاف سینتیس رن سے فتح سمیٹی۔ حسن علی نے بنگلہ دیش کے پانچ کھلاڑیوں کو پویلین کی راہ دکھائی۔ شاداب خان نے دو آؤٹ کیے۔ فہیم اشرف، سلمان آغا اور خوشدل شاہ کے حصے میں ایک ایک وکٹ آئی۔

کپتان سلمان آغا نے چھپن رن کی شاندار اننگز کھیلی۔ شاداب خان نے اڑتالیس اور حسن نواز نے چوالیس رن بنائے۔ محمد حارث اکتیس رن بنا کر نمایاں رہے۔ شرف السلام نے پاکستان کے دو کھلاڑیوں کو پویلین بھیجا۔ بنگلادیش کے کپتان لٹن داس نے اڑتالیس رن بنائے۔ مگر ٹیم کو فتح نہ دلا سکے۔ ذاکر علی نے چھتیس اور تنزید حسن نے اکتیس رن بنائے۔

شاداب خان نے شاندار آل راؤنڈ پرفارمنس کا مظاہرہ کیا۔ پچیس گیندوں پر اڑتالیس رن بنائے۔ بالنگ کرنے آئے تو دو وکٹیں بھی لیں۔ چار اوورز میں ستائیس رن دیئے۔ انہیں میچ کا بہترین کھلاڑی  قرار دیا گیا۔

حسن علی کا وکٹوں کا پنجہ۔ بنگلادیش کے خلاف کیریئر کی بہترین بالنگ کی۔ پانچ کھلاڑیوں کو پویلین کی راہ دکھائی۔ تین اعشاریہ دو اوورز میں تیس رن دیئے۔

سلمان آغا نے بنگلادیش کے بالروں پر بلے سے لاٹھی چارج کردیا۔ چونتیس گیندوں پر چھپن رن بنائے۔ اننگز میں آٹھ چوکے اور ایک چھکا لگایا۔

بنگلادیش کے کپتان لٹن داس نے اڑتالیس رن بنائے۔ مگر ٹیم کو فتح نہ دلا سکے۔ اننگز میں تین چھکے اور ایک چوکا شامل ہے۔

حسن نواز نے بنگلادیشی بالروں کی جم کر دھلائی کی۔ بائیس گیندوں پر چوالیس رن کی شاندار اننگز کھیلی۔ چار چھکے اور دو چوکے لگائے

محمد حارث نے بنگلادیش کیخلاف اکتیس رن کی اننگز کھیلی۔ جارحانہ اننگز میں چار چوکے اور ایک چھکا شامل ہے۔