سابق وزیرداخلہ چودھری نثار نے دوبارہ سیاسی میدان میں قدم رکھ دیا
راول پنڈی میں ایک تقریب سے خطاب کرتے ہوئے چودھری نثار نے سرپرائز اینٹری دے دی- ان کا کہنا تھا کہ وہ چار پانچ سال سے سیاسی طور پر گوشہ نشینی میں رہا-
سابق وزیرداخلہ نے کہا کہ آج وہ وہیں سے دوبارہ سیاست کا آغاز کررہے ہیں جہاں ان کی سیاست کے نشان موجود ہیں۔
تقریب سے بات چیت کے دوران انہوں نے میڈیا سے کیمرے بند کرنے کا کہا۔ ان کا کہنا تھا کہ وہ حلقے کے عوام سے کھلی ڈھلی بات کرتے ہیں۔ پھر وہ باتیں سوشل میڈیا اور میڈیا کی زینت بن جاتی ہیں۔
ان کا کہنا تھا کہ ن لیگ اور پی ٹی آئی کی سیاست اب دشمنی میں بدل چکی ہے۔ خاموش اس لیے ہوں کہ اب گالی کی سیاست ہورہی ہے۔ میرے ذہن میں جو خاکہ ہے وہ کامیاب ہوکر اسمبلی میں پیش کروں گا۔ جو میرے حلقے سے کامیاب ہوا اس نے یہاں کے لیے کچھ نہیں کیا۔
تقریب کے بعد میڈیا سے گفتگو میں انہوں نے کہا کہ آج ن لیگ میں وہی کچھ صیح ہے جو نوازشریف کہتے ہیں۔ آج کل کی سیاست کا حامی نہیں ہوں۔