February 2, 2025 · 1 min read
بالی وڈ کے میگا اسٹار امیتابھ بچن کس کی دادی کا کرش؟؟
بالی وڈ کے میگا اسٹار امیتابھ بچن کے سامنے کامیڈین سمے رائنا نے ان کو دادی کا کرش قرار دے دیا۔
مشہور رئیلٹی شو کون بنے گا کروڑ پتی کے 16 ویں سیزن کی قسط میں بھارت کے معروف یوٹیوبرز کامیڈین نے شرکت کی۔
شو میں تنمے بھٹ، سمے رائنا، بھون بام اور کامیا جانی شریک ہوئے۔
شو کے دوران کامیڈین سمے رائنا نے امیتابھ بچن کو بتایاکہ ’میں اور میرے پاپا آپ کو بچپن سے دیکھتے آ رہے ہیں، میری بس دادی ہی ہیں جو اپنی جوانی سے دیکھتی آ رہی ہیں، ان کو آپ بہت پسند ہیں، مطلب کرش ہیں آپ‘۔
اس پر امیتابھ بچن ہاتھ جوڑ کر زیر لب مسکرادیے۔
سمے رائنا نے مزید کہاکہ ان کیلئے ایک دستخط کردیں۔ اس پر بگ بی نے کہا کہ کھیل ختم ہوجائے تو میں کردوں گا تاہم کامیڈین نے کہاکہ نہیں جلسہ (امیتابھ کے گھر) کے ڈاکیومنٹس ہیں‘۔ اس پر امیتابھ بچن قہقہے لگانے لگے۔
کامیڈین سمے رائنا نے بھی اس کلپ کو اپنے آفیشل انسٹاگرام اکاؤنٹ پر ’جسٹس فار دادی‘ کے کیپشن کے ساتھ پوسٹ کیا ہے۔
شو کون بنے گا کروڑ پتی کا یہ کلپ سوشل میڈیا پر بھی وائرل ہو رہا ہے۔
Post Views: 404
