وزیراعظم پراعتماد کےووٹ سے پہلے ن لیگی رہنماؤں اورپی ٹی آئی کارکنوں میں میچ پڑ گیا۔پارلیمنٹ لاجز کے باہر مسلم لیگ ن کے رہنماؤں اور پی ٹی آئی کارکنوں کے درمیان دھکم پیل ہوئی۔ پی ٹی آئی کارکن لیگی رہنماؤں کی پریس کانفرنس کے دوران نعرے لگاتے رہے۔
پارلیمنٹ لاجز اسلام آباد کے باہر مسلم لیگ ن کے رہنما پریس کانفرنس کرنے پہنچے۔ ابھی وزیراعظم عمران خان پر لفظی گولہ باری شروع ہوئی تھی۔ کہ پی ٹی آئی کارکنوں نے موقع پر پہنچ کر مسلم لیگ ن کے خلاف نعرے لگانے شروع کردیے۔
پریس کانفرنس کے اختتام پر دونوں جانب سے دھکم پیل شروع ہوگئی۔ پی ٹی آئی کے مشتعل کارکنوںنے ہاتھا پائی شروع کی. تو ن لیگی رہنماوںنے بھی بھرپور جواب دیا.مصدق ملک اور شاہد خاقان عباسی نے مکوں اور لاتوں سے اپنا بچاؤ کیا۔ بعض لیگی رہنما ہاتھوںپر ہاتھ دھرے سارا منظر دیکھتے رہے.
پولیس نے مسلم لیگ ن کے رہنماؤں کو بحفاظت وہاں سے نکالا۔ لیگی رہنماؤں کا صبر بھی جواب دے گیا۔ کارکنوںکے پیچھے دوڑتے نظر آئے. دونوںجانب سے سخت جملوںکا تبادلہ بھی ہوا.