وزیراعظم شہباز شریف مسلم لیگ ن کی صدارت سے مستعفی ہوگئے۔

ترجمان مسلم لیگ ن مریم اورنگزیب نے اس خبر کی تصدیق کرتے ہوئے کہا ہے کہ وزیراعظم شہبازشریف نے ن لیگ کی صدارت سے استعفی دے دیا ہے۔

استعفیٰ دینے کے بعد سابق صدر مسلم لیگ ن شہبازشریف نے کہا کہ 2017 میں نوازشریف سے ناحق وزارت عظمیٰ اور جماعت کی صدارت چھینی گئی۔

ان کا کہنا تھا کہ قائد نواز شریف کی بریت اُن کے باوقار کردار اور قومی خدمت کی گواہی ہے۔

وزیراعظم شہبازشریف نے کہا کہ جماعت اور قیادت نے آزمائشوں میں بہادری سے مقابلہ کیا اور سرخرو ہوئے۔