نومنتخب وزیراعظم نے آتے ہی سرکاری دفاتر میں دو چھٹیاں ختم کردیں۔ ہفتے میں ایک چھٹی ہوگی۔ شہبازشریف نے حکم جاری کردیا۔ وزیراعظم شہباز شریف نے آفس سنبھالتے ہی عوام کے ریلیف کے اعلانات پر عملدرآمد کا آغاز کردیا۔

وزیراعظم شہباز شریف نے گزشتہ روز قومی اسمبلی میں کئے گئے اپنے اعلانات پر عملدرآمد کے احکامات جاری کر دئیے۔ رمضان المبارک کے دوران سستے بازاروں میں معیاری اور کم دام پر اشیاء کی فراہمی یقینی بنانے کا حکم جاری کردیا گیا۔
شہبازشریف وزیراعظم منتخب
وزیراعظم نے رمضان بازاروں کی سخت مانیٹرنگ یقینی بنانے کی ہدایت کردی۔ وزیراعظم کا کہنا ہے کہ عوام کو سستی اشیاء کی فراہمی میں غفلت برداشت نہیں کروں گا۔ پینشنرز کی پینشن میں اضافے، کم از اکم اجرت 25 ہزار کرنے کے اعلانات پر فی الفور عمل درآمد کا حکم بھی جاری کردیا۔

وزیراعظم شہباز شریف سے وزیراعظم آفس کے افسران اور عملے سے ملاقات کرائی گئی۔ وزیراعظم شہباز شریف سے عملے کا تعارف کرایا گیا۔ اس موقع پر شہبازشریف نے کہا کہ کمر ہمت کس لیں، عوام کی خدمت کے لئے آئے ہیں، ایک لمحہ مزید ضائع نہیں کرنا۔ انہوں نے کہا کہ ایمان داری، شفافیت، مستعدی، انتھک محنت ہمارے راہنما اصول ہیں۔