قومی اسمبلی اور سینیٹ کے اجلاس میں 17 اہم بل پیش کیے جائیں گے، سیاسی درجہ حرارت بڑھنے کا امکان

اسلام آباد — قومی اسمبلی اور سینیٹ کا طویل وقفے کے بعد آج پیر کو اہم اجلاس شروع ہو رہا ہے، جس میں ملکی سیاست اور قانون سازی کے حوالے سے اہم پیش رفت متوقع ہے۔ ایجنڈے کے مطابق دونوں ایوانوں میں مجموعی طور پر 17 اہم بل پیش کیے جائیں گے، جن میں الیکشن ایکٹ (ترمیمی) بل اور اینٹی ریپ تحقیقات و ٹرائل ترمیمی بل شامل ہیں۔

ایم ایل ون ریلوے منصوبہ: 2.5 ارب ڈالر کے پروجیکٹ پر جنوری سے کام کا آغاز

ذرائع کے مطابق اجلاس کا سب سے اہم حصہ نئے صوبوں کے قیام پر تفصیلی بحث ہے، جس پر حکومت اور اپوزیشن کے درمیان گرما گرم بحث کی توقع کی جا رہی ہے۔ اس کے علاوہ پاکستان، سعودی عرب اور ترکیہ کے درمیان 7 اگست کو ہونے والے ‘مکہ جوائنٹ ڈیفنس ایگریمنٹ’ پر ایوان میں متفقہ قرارداد لانے پر بھی غور کیا جائے گا