ایریزونا کی ایک ریستوران ڈیری کوئن کے باہر نصب پلاسٹک کا 15 فٹ لمبا چمچہ غیرمعمولی طور پر غائب ہوگیا ہے جس پرخود مالکان بھی حیران ہیں۔

مالکان کے مطابق یہ ایک معمہ ہے کہ چمچہ چور کے کسی کام کا نہیں اور اس نے ایسا کیوں کیا ہے؟

آسٹریلیا میں پونے تین کلوگرام وزنی ’جناتی‘ مینڈک دریافت

پوجا کلرا اور اس کے شوہر ریستوران کے مالک ہیں جن کے مطابق جمعے اور ہفتے کی رات کسی وقت یہ چمچہ چرایا گیا ہے جو لگ بھگ ساڑھے چار میٹر طویل ہے۔ اس چمچے کو سیدھا رکھتے ہوئے چھت کی ریلنگ سے سہارا دیا گیا تھا۔

دبئی میں 500 سے زائد روشن ڈرون کا شو، دیکھنے والے دنگ رہ گئے

سی سی ٹی وی فوٹیج میں دیکھا گیا ہے کہ دو مشکوک افراد نے پہلے اسکرو اور نٹ بولٹ کھولے اور چمچے کو ایک موٹرسائیکل پر رکھ کر سکون سے فرار ہوئے ہیں۔ پوجا کے مطابق وہ اپنے کام میں ایسے ماہر تھے کہ گویا وہ اس سے پہلے بھی کچھ وارداتیں کرچکے ہیں تاہم وہ جاننے سے قاصر ہیں کہ آخریہ شوپیس ان کے کس کام آسکتا ہے۔

مرسڈیز بینز نے جدید ترین تصوراتی گاڑی کی نقاب کشائی کردی

اس ضمن میں پولیس کو رپورٹ لکھوائی گئی ہے جس نے تفتیش شروع کردی ہے۔ لیکن اب تک کوئی گرفتاری نہیں ہوئی ہے جبکہ مالکان نے کہا ہے کہ چور اگر چمچمہ واپس کردیں تو ان سے کوئی سوال نہیں کیا جائے گا۔

شاہی خاندان کا جعلی ملازم 5اسٹار ہوٹل میں 23 لاکھ روپے کا چونا لگا کر فرار

پوجا اور ان کے شوہر نے 2008 میں یہ دکان کھولی تھی جس کی اب 34 شاخیں ہوچکی ہیں تاہم چمچے والی ریستوران صرف ایک ہی تھی جو ان کی اولین دکان بھی ہے۔ ان کے مطابق گاہکوں کو اس نادر شے سے لگاؤ تھا اور لوگ اس کی سیلفیاں لے کر سوشل میڈیا پر بڑے شوق سے پوسٹ کرتے تھے۔