ایشیا کپ کی ٹرافی کون اٹھائے گا ، فیصلہ آج ہوگا ۔ بھارت اور سری لنکا کی ٹیمیں آج کولمبو میں آمنے سامنے آئیں گی۔
میچ پاکستانی وقت کے مطابق دن ڈھائی بجے شروع ہو گا ۔ سری لنکا ٹائٹل کا دفاع کرے گا ۔
سری لنکا نے پاکستان کو ہرا کر فائنل میں جگہ بنائی تھی ۔ بھارتی ٹیم فائنل میں پہنچنے کے بعد بنگلہ دیش سے شکست کھا گئی۔
ایشیا کپ میں گرین شرٹس کا سفر ختم، سری لنکا فائنل میں پہنچ گیا
کرکٹ شائقین ایشیا کپ کا فائنل بھارت اور پاکستان کے درمیان دیکھنے کے لیے پرامید تھے لیکن ایشیا کپ میں قومی ٹیم کی بدترین کارکردگی نے شائقین کی امیدوں پر پانی پھیر دیا اور اب سری لنکا اور بھارت کی ٹیمیں فائنل میں آمنے سامنے ہوں گی۔
اس سے قبل 2004 اور 2008 کے ایشیا کپ مقابلوں میں بھی سری لنکا کو سپر فور راؤنڈ میں بھارت کے ہاتھوں شکست ہوئی تھی لیکن ان ٹورنامنٹس کے فائنل میں سری لنکا نے بھارت کو مات دے کر چیمپیئنن بننے کا اعزاز حاصل کیا تھا۔