نیشنل ٹی20 کپ کے دوسرے میچ میں سینٹرل پنجاب نے سدرن پنجاب کو7 وکٹوں سے شکست دے دی۔ سینٹرل پنجاب کی کامیابی میں عبداللہ شفیق کی شاندار سنچری نے نمایاں کردار ادا کیا۔
ملتان کرکٹ اسٹیڈیم میں کھیلے جانے والے نیشنل ٹی 20 کپ کے دوسرے میچ میں ڈیبیو کرنے والے 20 سالہ عبداللہ شفیق نے دھواں دھار سنچری بنائی۔
سنچری کی بدولت سینٹرل پنجاب نے 201 رنز کا ہدف اس وقت حاصل کرلیا جب کہ اس کے پاس ابھی سات وکٹیں باقی تھیں۔
ٹی 20 کپ کے دوسرے میچ میں سدرن پنجاب نے مقررہ 20 اوورزمیں 8 وکٹوں کے نقصان پر200 رنزبنائے تھے۔