یو این سیکریٹری جنرل کا امریکہ اور ایران میں جنگ بندی کا خیر مقدم؛ پاکستان کے کلیدی کردار کا اعتراف

 اقوامِ متحدہ کے سیکریٹری جنرل انتونیو گوتریس نے امریکہ اور ایران کے درمیان دو ہفتوں کے لیے جنگ بندی کے اعلان کو خوش آئند قرار دیا ہے۔ اپنے بیان میں انہوں نے جنگ بندی کے لیے پاکستان اور دیگر ممالک کی کامیاب ثالثی کی کوششوں کو سراہتے ہوئے ان کا خصوصی شکریہ ادا کیا ہے۔

پاکستان کی کامیاب سفارتکاری: امریکہ اور ایران میں دو ہفتوں کی جنگ بندی، اسلام آباد مذاکرات کا مرکز بن گیا

عالمی قوانین کی پاسداری پر زور سیکریٹری جنرل انتونیو گوتریس نے دونوں فریقین پر زور دیا کہ وہ بین الاقوامی قوانین کے تحت اپنی ذمہ داریوں کا مظاہرہ کریں۔ انہوں نے کہا کہ خطے میں لوگوں کی تکالیف کو کم کرنے اور انسانی جانوں کے تحفظ کے لیے فوری طور پر جنگ بندی ناگزیر تھی۔

ایران کے بنیادی ڈھانچے پر حملہ ہوا تو عبرت کا نشان بنا دیں گے، کمانڈر پاسدارانِ انقلاب

 دیرپا امن کے لیے شرائط پر عمل درآمد لازمی یو این چیف نے واضح کیا کہ مشرقِ وسطیٰ میں مستقل امن کے قیام کے لیے ضروری ہے کہ دونوں ممالک جنگ بندی کی طے شدہ شرائط پر سختی سے عمل کریں۔ انہوں نے امید ظاہر کی کہ یہ تعطل خطے میں استحکام کی جانب پہلا قدم ثابت ہوگا۔

امریکی صدر ڈونلڈ ٹرمپ نے ایران کو خبردار کردیا

 اقوامِ متحدہ کے اعلامیے کے اہم نکات:

• پاکستان کا شکریہ: ثالثی میں پاکستان کے قائدانہ کردار کی تعریف۔

• انسانی ہمدردی: جنگ بندی کو انسانی بحران روکنے کے لیے ضروری قرار دیا۔

• مذاکرات کی حمایت: اسلام آباد میں ہونے والے آئندہ مذاکرات کے لیے مکمل تعاون کا اشارہ۔