اسلام آباد راول پنڈی میں نشیبی علاقے زیر آب، این ڈی ایم اے اور ریسکیو اداروں کو الرٹ رہنے کے احکامات

اسلام آباد — وفاقی دارالحکومت اسلام آباد اور راولپنڈی سمیت گردونواح میں ہونے والی موسلادھار بارش کے بعد نالہ لئی میں پانی کا بہاؤ خطرناک حد تک بڑھ گیا ہے، جس کے پیش نظر متعلقہ حکام نے خطرے کے سائرن بجا کر الرٹ جاری کر دیا ہے۔ مسلسل بارش کے باعث مختلف نشیبی علاقوں میں پانی جمع ہو گیا ہے جبکہ اہم شاہراہوں پر ٹریفک کی روانی شدید متاثر ہوئی ہے۔

سپریم کورٹ کا عمران خان کو فوری ہسپتال منتقل کرنے کا حکم

محکمہ موسمیات اور ریسکیو ذرائع کے مطابق جڑواں شہروں کے مختلف حصوں میں وقفے وقفے سے تیز بارش کا سلسلہ جاری ہے۔ کٹاریاں اور گوالمنڈی کے مقامات پر نالہ لئی کی مانیٹرنگ سخت کر دی گئی ہے تاکہ ہنگامی صورتحال سے بروقت نمٹا جا سکے۔ واسا اور ضلعی انتظامیہ کی ہیوی مشینری نکاسی آب کے لیے فیلڈ میں متحرک کر دی گئی ہے۔

لاہور: پسند کی شادی کے تنازع پر فائرنگ، ملزم سمیت 5 افراد جاں بحق

قومی آفات مینجمنٹ اتھارٹی (این ڈی ایم اے) اور مقامی انتظامیہ نے شہریوں کو غیر ضروری سفر سے گریز کرنے اور برساتی نالوں کے قریب نہ جانے کی سخت ہدایت کی ہے۔ متعلقہ اداروں کو الرٹ پر رکھتے ہوئے نالہ لئی کے اطراف ایمرجنسی ریلیف کیمپ قائم کرنے کے احکامات بھی جاری کر دیے گئے ہیں تاکہ کسی بھی ممکنہ سیلابی صورتحال میں فوری امدادی کارروائیاں عمل میں لائی جا سکیں

ہاکی ورلڈ کپ 2026: پاکستان اور ویلز کے درمیان سنسنی خیز مقابلہ 3-3 سے برابر