پاکستان اور آسٹریلیا کے درمیان تیسرا اور آخری ٹیسٹ میچ کے لیے قومی کرکٹ ٹیم کی پلئینگ الیون کا اعلان کردیا گیا۔

سڈنی میں 3 سے 7 جنوری تک کھیلے جانے والے میچ میں نوجوان جارح مزاج اوپننگ بلے باز صائم ایوب پاکستان کی طرف سے ڈیبیو کریں گے۔

صائم ایوب کو امام الحق کی جگہ ٹیم میں شامل کیا گیا ہے، سڈنی ٹیسٹ میں فاسٹ باؤلر شاہین آفریدی کو آرام دیا گیا، ان کی جگہ آف اسپنر ساجد خان کو ٹیم میں شامل کیا گیا ہے۔

✅ Saim Ayub, Sajid Khan to play in Sydney
❌ Imam-ul-Haq dropped, Shaheen Shah Afridi rested

What do you make of Pakistan's playing XI for the third #AUSvPAK Test? 🤔 pic.twitter.com/cnzdQxgxxn

— ESPNcricinfo (@ESPNcricinfo) January 2, 2024

سڈنی ٹیسٹ کے لیے پلیئنگ الیون میں کپتان شان مسعود، صائم ایوب، عبداللہ شفیق، بابراعظم، سعود شکیل، محمد رضوان، سلمان علی آغا، ساجد خان، حسن علی، میر حمزہ اور عامر جمال کو شامل کیا گیا ہے۔

🚨 Our playing XI for the SCG Test 🚨#AUSvPAK pic.twitter.com/xTJzOcgy2n

— Pakistan Cricket (@TheRealPCB) January 2, 2024

آسٹریلیا کو تین میچوں کی سیریز میں 0-2 کی فیصلہ کن برتری حاصل ہے۔

پاکستان نے تقریباً گزشتہ تین دہائی سے آسٹریلیا میں کوئی ٹیسٹ میچ نہیں جیتا اور 1999 سے اب تک آسٹریلین سرزمین پر کھیلی جانے والی تمام سیریز میں پاکستان کو میزبان کے ہاتھوں کلین سوئپ شکستوں کا سامنا کرنا پڑا اور وہ کوئی میچ ڈرا تک کرنے میں کامیاب نہ ہو سکی۔

پرتھ میں کھیلے گئے پہلے ٹیسٹ میچ میں آسٹریلیا نے 360 رنز اور میلبورن میں کھیلے گئے دوسرے ٹیسٹ میچ میں 79 رنز سے کامیابی حاصل کر کے سیریز اپنے نام کی۔

پاکستانی ٹیم کو شان مسعود لیڈ کریں گے جبکہ آسٹریلوی ٹیم پیٹ کمنز کی زیر قیادت میدان میں اترے گی۔