پشاور کی پولیس لائنز کی مسجد میں دھماکے سے 25 افراد شہید ہوگئے

پشاور کی پولیس لائنز میں مسجد میں دھماکہ ہوا۔ ڈپٹی کمشنر پشاور کے مطابق دھماکے میں 25 افراد شہید ہوگئے۔ جبکہ افسوسناک واقعے میں ایک سو بیس افراد زخمی ہوئے ہیں۔

کوئٹہ ریلوے اسٹیشن پر خودکش دھماکے میں شہدا کی نماز جنازہ ادا

ترجمان لیڈی ریڈںگ اسپتال کے مطابق کچھ زخمیوں کی حالت تشویشناک ہے۔ زخمیوں میں پولیس اہلکار بھی شامل ہیں۔ دھماکے کے وقت مسجد میں نماز ظہر ادا کی جارہی تھی۔ دھماکے سے مسجد کی چھت گر گئی۔ جس سے متعدد نمازی ملبے تلے دب کر بھی زخمی ہوگئے۔ دھماکے سے مسجد کی قریبی عمارتوں کو بھی نقصان پہنچا ہے۔

باجوڑ خودکش دھماکے میں‌ جاں بحق افراد کی تعداد 44 ہو گئی، 150 افراد زخمی

پولیس کا کہنا ہے کہ دھماکے سے مسجد کا ایک حصہ شہید ہوگیا۔ پولیس کے مطابق افسوسناک واقعے کے وقت مسجد میں نمازی بڑی تعداد میں موجود تھے۔ جبکہ پولیس لائنز میں ایک ہزار سے زائد نفری موجود تھی۔

پولیس کا کہنا ہے کہ پولیس لائنز میں سی ٹی ڈی اور ایف آر پی پولیس ہیڈ کوارٹر ہیں۔

پشاور کی پولیس لائنز کی مسجد میں دھماکے سے 25 افراد شہید ہوگئے

سیکیورٹی اداروں کی جانب سے حادثے کی جگہ کا معائنہ کیا جارہا ہے۔ اور شواہد اکھٹے کیے جارہے ہیں۔ پشاور کے بڑے اسپتالوں میں ایمرجنسی نافذ ہے۔ لیڈی ریڈنگ اسپتال کی انتظامیہ کا کہنا ہے کہ زخمیوں کے لیے خون کی اشد ضرورت ہے۔