جنوبی وزیرستان میں سیکیورٹی فورسز نے کارروائی کی ہے- فورسز کی کارروائی کے دوران ایک دہشت گرد ہلاک ہو گیا جب کہ ایک کو گرفتار کر لیا گیا ہے- فائرنگ کے تبادلے میں پاک فوج کے جوان نائیک ضیا الدین شہید ہوگئے-

آئی ایس پی آر کے مطابق دہشت گرد پاک فوج کی چوکی پر حملے کی منصوبہ بندی کررہے تھے۔ 11 اور 12 اگست کی درمیانی شب میں فوجی چوکی کے قریب مشکوک نقل و حرکت دیکھی گئی-

یہ بھی پڑھیں:  امریکہ کا
کابل کے لیے 3 ہزارفوجی بھیجنے کا اعلان

جس پر کوئیک ری ایکشن فورس کو فوری طور پر کارروائی کے لیے بھیجا گیا- کیو آر ایف پر دہشت گردوں نے فائرنگ کی- جوابی کارروائی میں ایک دہشت گرد ہلاک اور ایک زخمی حالت میں گرفتار کر لیا گیا۔

مزید پڑھیں: کوہ پیما محمد علی سدپارہ کا جسد خاکی مل گیا

آئی ایس پی آر کا کہنا ہے کہ پاک فوج دہشت گردی کے خاتمے کے لیے پرعزم ہے۔