January 11, 2025 · 1 min read
پاکستان اپنی جدید چاند گاڑی 2028 میں چاند کی جانب بھیجے گا
پاکستان اپنی جدید چاند گاڑی 2028 میں چاند کی جانب بھیجے گا۔ سپارکو کا تیار کردہ پاکستانی روور چاند پر چینی مشن کے ساتھ تحقیق میں حصہ لے گا۔
پاکستانی روور چاند پر جانے کیلئے تیار ہے۔ سپارکو کے سائنسدانوں کا تیار کردہ یہ جدید ترین روور دو ہزار اٹھائیس میں چاند کے جنوبی قطب کی کھوج کیلئے چینی مشن کاحصہ بنےگا۔
پینتیس کلوگرام وزنی روور چین کے چانگ ای 8 مشن کے تحت چاند پر اترے گا۔ سپارکو کا روور جدید ترین سائنسی آلات سے لیس ہوگا اور اہم ڈیٹا اکٹھا کرنے میں معاون ثابت ہوگا۔
خلائی تحقیقاتی ادارے سپارکو کے مطابق اس مشن میں مختلف سائنسی تجربات کیے جائیں گے۔ جن میں چاند کی مٹی کا مطالعہ، چاند کی سطح کا نقشہ بنانا اور چاند پر انسانوں کی پائیدار موجودگی کیلئے نئی ٹیکنالوجی کی آزمائش شامل ہے۔
Post Views: 568
