کملا ہیرس نے ڈونلڈ ٹرمپ کو ’بزدل‘ قرار دے دیا

ڈیموکریٹک پارٹی کی نامزد صدارتی امیدوار کملا ہیرس نے پنسلوانیا کی انتخابی مہم کے دوران ٹرمپ کو ‘بزدل’ قرار دے دیا۔ امریکی نائب صدر کملا ہیرس نے سابق صدر ڈونلڈ ٹرمپ کو بالواسطہ تنقید کا نشانہ بناتے ہوئے کہا ہے کہ 5 نومبر کو ہونے والے انتخابات میں ان کے مدمقابل ‘بزدل’ ہیں جن کی سیاست حریفوں کو نیچا دکھانے پر مرکوز ہے۔

ہیرس کا یہ بیان ریاست پنسلوانیا میں انتخابی مہم کے دوران سامنے آیا، جس میں مینیسوٹا کے گورنر ٹم والز بھی شریک تھے۔

ایرانی صدر ابراہیم رئیسی ہیلی کاپٹر حادثے میں جاں بحق

اپنے حامیوں کے ایک ہجوم سے خطاب کرتے ہوئے کملا ہیرس نے کہا کہ جب ہم جانتے ہیں کہ لیڈر کی طاقت کا حقیقی پیمانہ اس بات پر منحصر ہوتا ہے کہ آپ کس کو اٹھاتے ہیں، لیکن جو کوئی دوسرے لوگوں کو مارنا چاہتا ہے وہ بزدل ہے۔

مزید پڑھیں: ڈونلڈ ٹرمپ کا عدالت میں اپنے اوپر لگنے والے 34 الزامات کو ماننے سے انکار

انھوں نے براہ راست ٹرمپ کا نام نہیں لیا، جنہوں نے ہفتے کے روز مشرقی پنسلوانیا میں ایک انتخابی مہم کے دوران کملا ہیرس کو ‘بنیاد پرست’ اور ‘پاگل’ قرار دیا تھا۔

رائے عامہ کے جائزوں سے پتہ چلتا ہے کہ ہیرس انتخابی مہم میں نئی توانائی لا رہی ہیں اور قومی سطح پر اور پنسلوانیا سمیت آٹھ انتہائی مسابقتی ریاستوں میں سے کئی میں سابق صدر ٹرمپ کے ساتھ فرق کو ختم کر رہی ہیں جو ڈیموکریٹک صدر جو بائیڈن کے جانشین کے انتخاب میں فیصلہ کن کردار ادا کریں گی۔

امریکا کے سابق صدر ڈونلڈ ٹرمپ پر انتخابی ریلی کے دوران حملہ، فائرنگ سے زخمی ہوگئے

امریکی نائب صدر کملا ہیرس جو سیاہ فام ہیں اور ایشیائی ورثے کی حامل ہیں، نومبر میں کامیابی حاصل کرنے کی صورت میں پہلی خاتون صدر ہوں گی۔