اسلام آباد کی مقامی عدالت نے دفعہ 144 کے مقدمے میں سابق وزیراعظم عمران خان اور اسد قیصرسمیت دیگرملزمان کی عبوری ضمانتوں میں 27 ستمبر تک توسیع کردی۔ عدالت نے عمران خان کی حاضری سے استثنیٰ کی درخوست منظور کرلی۔

ایڈیشنل سیشن جج ظفراقبال نےعمران خان سمیت دیگرپی ٹی آئی رہنمائوں کی درخواست ضمانتوں پرسماعت کی۔ عمران خان، اسد قیصر اور فیصل واوڈا کے وکلا نے حاضری سے استثنی کی درخواست دی۔
یہ بھی پڑھیں:سابق وزیر اعظم عمران خان کو توہین عدالت کا شوکاز نوٹس جاری
وکیل بابراعوان نے موقف اپنایاکہ مقدمہ اوردلائل ایک جیسے ہی ہونگے۔ عمران خان 9 حلقوں سے الیکشن لڑرہے ہیں۔ ضمنی انتخابات 25 ستمبرکو ہو رہےہیں۔ تھانہ آبپارہ میں درج مقدمہ میں دفعات قابل ضمانت ہیں۔

بابر اعوان نے عدالت کو بتایا کہ عمران خان کیخلاف یہ 21واں مقدمہ ہے۔جس میں ضمانت لے رہے ہیں-
مزید پڑھیں:نیند کی کمی سے ہماری جذباتی اور سماجی زندگی پر بدترین اثرات
جج نے ریمارکس دیئے کہ دفعہ 506 ٹو میں تین سال سزا اورناقابل ضمانت ہے۔ جج نے تفتیشی سے مکالمہ کرتے ہوئے کہاکہ آپ سب سن رہے ہیں- اگردیکھ لیں کوئی شامل نہیں تھا۔ اسےمقدمہ سےفارغ کریں۔ عدالت نے تمام ملزمان کی ضمانتوں میں 27 ستمبرتک توسیع کردی۔