فرانسیسی خبر رساں ادارے کے مطابق ٹرک میں چھپ کرغیرقانونی طورپرفرانس میں داخل ہونے والے 31 پاکستانیوں کو میری ٹائم سیکیورٹی فورس نے گرفتار کرلیا۔ جنوب مشرقی علاقے ایلپیس میں میری ٹائم سیکیورٹی فورس نے تلاشی کے دوران ٹرک کے کنٹینر میں چھپے افراد کو گرفتار کیا۔
میری ٹائم حکام کے مطابق گرفتار ہونے والے تمام افراد پاکستانی ہیں. جب کہ ٹرک کے پاکستانی ڈرائیور کو بھی تحویل میں لے لیا گیا. حکام کا کہنا ہے کہ گرفتار کیے گئےافراد اٹلی کے راستے فرانس میں داخل ہوئے تھے. جن میں 15 سال تک کے 3 نوجوان لڑکے بھی شامل ہیں۔
فرانسیسی حکام کے مطابق گرفتار ہونے والے تمام افراد کو 2015 میں ہونے والے ایک بارڈر کنٹرول معاہدے کے تحت واپس اٹلی کے حوالے کردیا گیا ہے۔
بابا گرونانک کی برسی، پاکستان میں سکھ زائرین کی شرکت اور بھارتی ہٹ دھرمی
حکام کا کہنا تھا کہ اس حوالے سے تحقیقات کی جاری ہیں تاکہ غیرملکی تارکین وطن کو غیر قانونی طور پر فرانس میں داخل کرنے والے گروہ کو پکڑا جاسکے جب کہ ٹرک ڈرائیور کو بارڈ پولیس کے حوالے کیاگیا ہے جس پر قانون کے مطابق مقدمہ چلایا جائے گا۔