پاکستان کی سیاست میں ایک بار پھر تھپڑ کی گونج ہے۔اس بارتھپڑ مارنے والی وزیراعلیٰ پنجاب کی معاون خصوصی فردوس عاشق اعوان نکلیں اورنشانہ بنے پیپلزپارٹی کے رہنما قادرمندوخیل۔معاملہ کچھ یوں ہے کہ نجی ٹی وی کے پروگرام کے دوران دونوں میں بحث اس حد تک بڑھ گئی کہ فردوس عاشق نے اٹھ کر قادرمندوخیل کو پہلے کپ مارنے کی کوشش کی پھرانہیں گریبان سے پکڑ لیا۔قادرمندوخیل نے گریبان چھڑوانے کی کوشش میں فردوس عاشق کا ہاتھ جھٹکا۔فردوس عاشق نے موقع پاتے ہی قادرمندوخیل کوتھپڑ جڑ دیا۔اس موقع پردونوں میں ہاتھا پائی بھی ہوئی۔اینکرصرف تکتا رہا۔پروگرام پروڈیوسربیچ بچائو کراتے نظرآئے۔
https://twitter.com/ideas_nexus/status/1402880839940292608
فردوس عاشق اعوان نے اپنے بیان میں کہا ہے کہ قادر مندوخیل نےمسلسل میرے خلاف غلط زبان استعمال کی۔وقفے کے دوران مجھے اور میرے والد کو غلیظ گالیں دیں۔قادر مندوخیل نے مجھے ہراساں کیا۔دھمکیاں دیں۔بدکلامی اور بدتمیزی پر اپنے دفاع میں انتہائی قدم اٹھانا پڑا۔
ٹاک شو کے دوران پیپلزپارٹی کے قادر مندوخیل کی جانب دھمکیاں دی گئیں۔ قادر مندوخیل نے بدزبانی اور بدکلامی کرتے ہوئے میرے مرحوم والد اور مجھے گالیاں دیں۔ اپنے دفاع میں مجھے انتہائی قدم اٹھانا پڑا! قانونی ٹیم سے مشاورت کےبعد قادر مندوخیل کےخلاف قانونی چارہ جوئی کی جائیگی۔ pic.twitter.com/7AbDNMaHV0
— Dr. Firdous Ashiq Awan (@Dr_FirdousPTI) June 9, 2021
فردوس عاشق اعوان کا ویڈیو پیغام میںکہنا ہے کہ پروگرام کی ویڈیوکا مخصوص حصہ لیک کیا گیا۔میری سیاسی ساکھ اور عزت دائوپر لگی۔ مکمل ویڈیو سب کے سامنے آنی چاہیےتاکہ حقائق سب کے سامنے آئیں۔اپنے قانونی معاونین سے مشاورت کر کے قادر مندوخیل کے خلاف کارروائی کروں گی۔