سعودی عرب، دبئی اور قطر میں آج عیدالفطر مذہبی عقیدت و احترام کے ساتھ منائی جارہی ہے۔ کویت اور افغانستان میں بھی آج عید ہے۔ برطانیہ سمیت یورپ،ترکی اورامریکا میں بھی آج عید منائی جارہی ہے۔ بھارت اور بنگلہ دیش میں بھی کل عیدمنائی جائے گی۔

سعودی عرب میں آج عیدالفطر ہے۔ سعودی عرب میں نمازِ عید ادا کر دی گئی، لاکھوں مسلمانوں نے مکہ مکرمہ میں مسجد الحرام اور مدینہ منورہ میں مسجد نبوی میں نماز عید ادا کی۔

فلسطین اوردیگرملکوں میں مصائب کاشکارمسلمانوں کےلئے خصوصی دعا کی گئی۔

دبئی سمیت متحدہ عرب امارات میں عید مذہبی عقیدت و احترام سے منائی جارہی ہے،عید کی نماز کے چھوٹے بڑے اجتماعات ہوئے،ہزاروں افراد نے عید کی نماز میں شرکت کی۔۔ ایک دوسرے کو گلے مل کر عید کی مبارک باد دی

قطر ، کویت اورافغانساتن میں بھی آج عید ہے۔ برطانیہ سمیت یورپ،ترکی اورامریکا میں بھی آج عید منائی جارہی ہے۔

،ملائیشیا، انڈونیشیا، اور فلپائن میں شوال کا چاند نظر نہیں آیا۔ سنگاپور، تھائی لینڈ، برونائی میں بھی چاند نظر نہیں آیا، عیدالفطر ہفتے کو ہوگی۔ جاپان اور آسٹریلیا میں بھی یکم شوال بائیس اپریل کو ہونے کا اعلان کیا گیا ہے۔ بھارت اور بنگلہ دیش میں بھی کل عیدمنائی جائے گی