کورکمانڈرز کا پاکستان کے جوہری اثاثوں کےحفاظتی انتظامات پر اطمینان کا اظہار، آرمی چیف نے تمام خطرات کے خلاف مادر وطن کے دفاع کے لیے پاک فوج کے عزم کا اعادہ کیا۔
آرمی چیف جنرل قمر جاوید باجوہ کی زیرصدارت کورکمانڈرز کانفرنس ہوئی- شرکا کو بریفنگ میں بتایا گیا کہ پاکستان کے جوہری سلامتی کے معیارات بین الاقوامی بہترین طریقہ کار پر مبنی ہیں۔ پاکستان جوہری ہتھیاروں کی حامل ایک ذمہ دار جوہری طاقت ہے- پاکستان نے اپنے جوہری سلامتی کے نظام کو مضبوط بنانے کے لیے تمام ضروری اقدامات کیے ہیں۔ پاکستان نے اپنے جوہری سلامتی کے نظام کو مضبوط بنانے کے لیے تمام ضروری اقدامات کیے ہیں۔
کورکمانڈر کانفرنس نے پاکستان کے مضبوط جوہری کمانڈ اینڈ کنٹرول نظام، اسٹریٹجک اثاثوں کی سلامتی پر مکمل اعتماد کا اظہار کیا۔ آئی ایس پی آر کے مطابق کورکمانڈرز کانفرنس کے شرکا نے موجودہ داخلی، بیرونی سلامتی کی صورتحال، فوج کی آپریشنل تیاریوں کا جامع جائزہ لیا- آرمی چیف جنرل قمر جاوید باجوہ کا فارمیشنز کی آپریشنل تیاریوں پر اطمینان کا اظہار کیا۔
آرمی چیف نے فارمیشنز کی آپریشنل تیاریوں، سیلاب میں ریلیف سرگرمیوں میں کردار کو سراہا۔ شرکاء کو سیلاب متاثرین کے لیے ریلیف اور بحالی کی کاوشوں میں سول انتظامیہ کو فوج کی مدد سے بھی آگاہ کیا گیا،فورم کو سیلاب سے متاثرہ علاقوں بالخصوص سندھ اور بلوچستان کی صورتحال سے آگاہ کیا گیا۔