چین کے شمال مغرب میں واقع علاقے سنکیانگ کی رہائشی عمارت میں آگ لگنے سے 10 افراد ہلاک اور 9 زخمی ہوگئے۔
غیر ملکی خبر رساں ادارے کے مطابق انتظامیہ کا بتانا ہے کہ جمعرات کے روز بلند و بالا رہائشی عمارت میں آگ بھڑک اٹھی جس کی اطلاع ملتے ہی انتظامیہ نے موقع پر پہنچ کر ریسکیو آپریشن شروع کردیا۔
یہ بھی پڑھیں:رواں سال کا دوسرا اور آخری چاند گرہن
میڈیا رپورٹس کے مطابق آتشزدگی میں زخمی ہونے والے 9 افراد کو فوری طبی امداد کیلئے قریبی اسپتال منتقل کردیا گیا- جن کی حالت خطرے سے باہر بتائی جارہی ہے- جب کہ ایمرجنسی ٹریٹمنٹ کے باوجود بھی 10 لوگ زندگی کی بازی ہار گئے۔
ضرور پڑھیں:ٹھنڈی کوک نے 22 سالہ چینی نوجوان کی جان لے لی
دوسری جانب انتظامیہ کی جانب سے آتشزدگی کے واقعے کی تحقیقات کا آغاز کردیا گیا ہے۔
گزشتہ ہفتے بھی وسطی چین کے شہر آنیانگ کی فیکٹری میں آگ لگنے کے واقعے میں 38 افراد ہلاک ہوگئے تھے۔