بانی پاکستان قائد اعظم محمد علی جناح کا آج 146واں یوم پیدائش منایا جارہا ہے- کراچی میں مزارِ قائد پر گارڈز کی تبدیلی کی پُرقار تقریب ہوئی۔
پاکستان ملٹری اکیڈمی کاکول کے دستے نے مزارِ قائد پر گارڈز کے فرائض سنبھال لیے۔
پاک فضائیہ کے کیڈٹس نے گارڈز کے فرائض پاک آرمی کے کیڈٹس کے حوالے کیے۔
میجر جنرل عمر نسیم تقریب کے مہمان خصوصی تھے۔ اعزازی گارڈز نے میجر جنرل عمر نسیم کو جنرل سلام پیش کیا۔
مہمان خصوصی میجر جنرل عمر نسیم نے گارڈز کا معائنہ کیا۔ مزار پر پھول رکھے اور فاتحہ خوانی کی۔