November 6, 2023 · 1 min read
پرینکا چوپڑا ممبئی فلم فیسٹیول کے ریڈ کارپٹ پر جلوہ گر
انڈین اداکارہ اور پروڈیوسر پرینکا چوپڑا جوناس لبنانی ڈریس ڈیزائنر کوٹورئیر ٹونی وارڈ کے چمچماتے گاؤن میں ممبئی فلم فیسٹیول کے ریڈ کارپٹ پر جلوہ گر ہوئی ہیں۔ عرب نیوز کے مطابق 41 سالہ ہالی ووڈ اور بالی ووڈ سٹار اپنے شوہر امریکی گلوکار نک جوناس کے ساتھ لاس اینجلس میں رہائش پذیر ہیں۔
پرینکا چوپڑا نے فلم فیسٹیول کے لیے مخصوص کڑھائی والے سفید اور گولڈن گاؤن کا انتخاب کیا اور انسٹاگرام پر اپنی تصاویر شیئر کی ہیں اور کیپشن میں ’اوپننگ نائٹ۔ جیو مامی ممبئی فلم فیسٹیول‘ لکھا ہے۔ ممبئی میں فلم فیسٹیول کی تقریب نیتا مکیش امبانی کلچرل سینٹر میں منعقد ہوئی، یہ تقریب کورونا وائرس کے دنوں میں آن لائن ہونے کے طویل انتظار کے بعد منعقد کی گئی ہے۔
Post Views: 710
