پاکستان ڈیموکریٹک موومنٹ کے شرکا آج اسلام آباد میں سر جوڑیں گے۔ پی ڈی ایم کے سربراہ اجلاس میں مستقبل کا لائحہ عمل طے کیا جائے گا۔
اجلاس میں یہ فیصلہ کیا جائے گا کہ اسمبلیوں میں استعفے دینے ہیں یا نہیں۔ اجلاس میں اسلام آباد کی طرف مارچ کے فیصلے کو حتمی شکل دی جائے گی۔ استعفوں سمیت دیگر آپشنز بھی زیرغور آئیں گے۔
فردوس کی مریم پر تنقید
مولانا فضل الرحمان کی زیرصدارت پی ڈی ایم کا اجلاس مسلم لیگ ن کے سیکرٹریٹ میں ہو گا۔ اجلاس میں مریم نواز سمیت پی ڈی ایم میں شامل جماعتوں کے سربراہ شریک ہوں گے۔ سابق صدرآصف علی زرداری اور سابق وزیراعظم نواز شریف بذریعہ ویڈیو لنک شرکت کریں گے۔ چیئرمین پیپلز پارٹی بلاول بھٹو کی شرکت بھی متوقع ہے۔
بلاول بھٹو نے خبردار کردیا
ذرائع کے مطابق اجلاس میں لاہور کے جلسے کے حوالے سے اہم فیصلے کئے جائیں گے۔ پی ڈی ایم کے مستقبل کے لائحہ عمل کو حتمی شکل بھی دی جائے گی۔